صدري شمالي - ساره بنت تركي

صدري شمالي مايجي خاطري ضيق
و ما شفت نفسي لكن الحق ينقال
 
وش عاد باقي من محاصيل و رحيق
دام الجراد اصبح في الأرض جوال
 
نشوم عن فعل الردي شومه طويق
و اشوم عن هروج القفى كان ينقال
 
واصدع بصوتي للسماء حق تحقيق
دام العرب تعرف مشاعيب وجبال
 
وش فايده منهو معى غايته سيق
وش حاجة اللي مالحق قوله افعال
 
النفس ماهي تبتغي غير تحليق
مثل الطيور اللي تحلّق ب الآمال
 
مدامه الله اللي خالقن للمخاليق
والله عطاني من عطا وسعه البال
#ساره_تركي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر