ينبت في راسي نخل

لـ فهد المنصوري، ، في غير مصنف، 21، آخر تحديث

ينبت في راسي نخل - فهد المنصوري

ليلتك هذي «كئيبه» يا ملول
لا تعاتبني ترى مالي دخل

عاتب اللي مشغل افكار الزحول
هاجسن ينخل مدى فكرك نخل

يكشف اوراقك ويبعث لك رسول
لين يشخل (يومك الباقي) شخل

الطواري مالها عندك (حلول)
صرت مكسبها وهي مصدر دخل

كنها في (صدرك الضايق) تقول
«ليت حظك يا السنافي ما بخل»

كان ذلحينه على حزت وصول
جالسه عندك واخذ منها وخل

يا تعشيها تميس وصحن فول
يا ذبحت الها …'طلي ولأ رخل'

المهمّ الله لها يكتب قبول
واحمد الله وضعها ما هو مُخل

عشت فيها يا ضميري عرض طول
كنك امعلّق على ''جسر الدخل

وودعتنا في مغبّات الذهووول
لين خلّت ينبت في راسي نخل

#فهد_المنصوري

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر