من يطاوع شور قلبه عزتي له عزتي له كان سررته الطواري - عبدالمجيد سعد الرشيدي

من يطاوع شور قلبه عزتي له
عزتي له كان سررته الطواري

شطر ن مقول وكلن ينتمي له
وكل واحد فيكم يعرفه وداري

شطر محسوسٍ ولاشطرٍ بديله
شدني وجيتك على مبناه ساري

جيت يمك يا مغربلني بجيله
المشاعر حالفه والجرح عاري

عنك لاوالله حشا مارضى بديله
لو مشيت بدربك اليوم انتحاري

الشعر فيك انت تزاهاك الجزيله
والبيوت النادره ب عز وقااري

وصفك اللي فيه ميزاتٍ جميله
والشموخ اللي مع الهيبه يباري

خلت الشاعر يعسف المستحيله
لين طاعت لك قوافيه و تماري

يالجناب السمح يانفس الجليله
ياحشيم الطبع يا نجم ؤ مداري

ياشبيه الغيم يا البرق ب مخيله
يا مطر وسميتن تروي البراري

ياشموخ الخيل ياا بنت الكحيله
ياصدق الهقوات بالعزات ظاري

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر