انا ذراها عن ردى القول والعيب وأنا ذراها لا قسى وقتها وشان - عبدالمجيد سعد الرشيدي

يطيب ولأ يا عسى الجرح مايطيب
ما بارت أفكاري ولا عشت خوان

اعيش شامخ عز راسي على الطيب
واموت في عزي ولا اعيش منهان

وواطي على خد الردا والعذريب
وخد الرخوم وكل من جاك فتان

عزي شمووخي بالفعل والمواجيب
واشوم شوم الحر على كل نقصان

حتى قصيدي من قراح المشاريب
ومن عد راوي بالكرمه ورووياان

شعري من إجزل البيوت المعاطيب
ببيوت شعرن ما تعذرب وتنهان

لاهجرس الهاجس عو عويت الذيب
شرد القوافي له ترضخ باأللاحان

عن دربها مالي عن الدرب تجنيب
لو دربها درب الخطر قلت له هان

جسور قلبي ما يراوي ولا يْهييب
مدام عين القلب حطته نشيان

اصيب بعض احيان وأحيان ماصيب
ولاني بربحانن ولا ني بخسران

ومدام راسي مرتوي عزن وطيب
عثرات وقتي مالها كود حقران

انا فدا اللي مإتقِرب على العيب
وتشوم عن درب الردا وإتطمان

حره ومن ماكر هل العز والطيب
وفي ظل قومن بالمواقف شجعان

اهل القنا واهل السيوف المعاطيب
حريبهم وقت القاء دوم خسران

كم يتمو جاهل بلا حقن مصيب
اليا جهلهم جاهلن جوه بجنان

يلفون له جهال لو روسهم شيب
وفي بطشهم في ساحة العز برهان

وانا ذراها عن ردى الهرج والعيب
واناااذراها لا قسى وقتهااوشان

وانا ذراها لا طغن الاصعايب
وانا ذراها لا رقص كل شيطان

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر