الجادل اللي كل ما قلت اخليه روحي تخليني وتمشي بدروبه - عبدالمجيد سعد الرشيدي

الجادل الي كل ماقلت اخليه
روحي تخليني وتمشي بدروبه
 
ان زارني زرته ولاني بجافيه
وان صد ياجعل السعاده دروبه
 
معاد باقي غير ذكرى ليياليه
اليا طرت روحت حوله وصوبه
 
اسرح بفكري واتصبر بماضيه
مدام شوق القلب عيا يتوبه
 
حتي بغيابه مابغى احدٍ يساليه
ولا رضي بغيره ولو كان نوبه
 
لو زاد ضيقه واسبب بعد غاليه
وافي ولو من ضيقته ضاقه ثوبه
 
مرضا بديله وغير حبه فلا اشريه
لو كان حبي له عذاب وعقوبه
 
تفداه روحن روحت له تباريه
وتفداه عينن ماتناظر عيوبه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر