مااشره على اللي زيف القول تزييف‬ - عبدالمجيد سعد الرشيدي

مااشره على اللي زيف القول تزييف‬
‫ولا اشره على اللي قاصر اليوم شبره‬

‫اشره على اللي له فعول ومعاريف‬
‫واشره على حر ن جفا اليوم وكره ‬

‫وماهي غريبه لبلتك الملاقيف‬
‫ولاهي غريبه كان جوك بمضره ‬

‫لكن الغريب من اقرب الناس ياحيف‬
‫كيف القريب وتامنه بان غدره‬

‫وشلون ينسى كل ذيك اتحاليف‬
‫يومه يعيش بكل عز ومسره‬

‫كل القلوب اليوم فيه تخاويف‬
‫تاثق وتجني من ثقتها مضره‬

‫ماني على ماضي كثير اتحاسيف‬
‫ولاحزت صدور الوفاء اليوم حسره ‬

‫بالعكس شفنا اللي مخبا ولاشيف‬
‫وكل الجروج اليوم درس ن وعبره ‬

‫شفنا المخبا اللي ماكنا له نشيف‬
‫ولا يضيع شي له على الارض جره‬

‫ولقيت نفسي واضح بدون تواليف‬
‫صريح وكلن يطلب اليوم كسره‬

‫ويبطون ما قدرو جميع الملاقيف‬
‫على شموخن معتلي بالمجره‬

‫لو يشلعون طويق وينبت ورا طريف‬
‫ماحركو في شمخت الراس شعره ‬

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر