ياهاجسي عطنا حروفن جزالي خابرك للجزله صميدع وعفريت - عبدالمجيد سعد الرشيدي

ياهاجسي عطنا حروفن جزالي
خابرك للجزله صميدع وعفريت

كانك على خبري سريع اشتعالي
قربت لك بنزين مع عود كبريت

اشعل لي الهاجوس عجلٍ وحالي
وكتب بيوت ٍوصمخ البيت بالبيت

وكتب بيوتن تطرب الي قرالي
ويطنخ لها مطنوخ من حبكت البيت

وتلفت نظر ساهي ويرمي العقالي
وتلطم وتكوى اهل أردى والشماميت

حيا الجواب و حي منهو عنالي
الي على الجزله تبدا وانا جيت

ابشر بعزك ورفع الراس عالي
و انتا بعز و بالمعزه تربيت

وحنا ترانا من زحول الرجالي
ابشر بعزك كان فينا تعزويت

في ساعتن فيها يضيق المجالي
نصد قومن بالمواقف لهم صيت

والطيب المطنوخ لمن طرالي
تلحقه نعم بكل مقلت واطريت

ولا ردي خلفي ماهو بجالي
وشوم عن طاريه وان مر صديت

ولا اني بذمه وامدحه لو يلالي
صمتي ثقه عن الضعوف السربيت

اسفه سفيه الي من العقل خالي
محط راسي بضعوف آلهتهايت

وكأنه تمادى وضاق صدر الشمالي
ومل الصبر مني وصمتي دنميت

وطئيت خده ولا احسب وبالي
للي يجيني من وراها ليا قفيت

اهم شي اعيش وراس عالي
ولاعزيزن عاش حي ن و ميت

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر