يالي شريت البعد قلي متى تجي - عبدالمجيد سعد الرشيدي

يالي شريت البعد قلي متى تجِيِ
خليتني بعدك بدنيا حزينه
أصارع الحرمان وأصفق إيِديِ
وآصبر وآنا قلبي تزايد ونينه
مثل الشجاع اللي وقف ممعه شي
قدام عدوانه بضيم وغبينه
اقوي اعزومي وأنا مابيدي شيِ
وأرجع الوم الحظ والعن سنينه
بليتني بالحب واليوم مبليِ
روحي وقلبي في يدينك رهينه
واغويتني بالزين واعميت عينيِ
ماشوف غيرك لو تباها بزينه
مافيه زينن عند زينك ولاشيِ
حتي ولو كل البشر مادحينه
ادري بقلبك راح معاد هو لي
معاد لي غير الجروح الدفينه
وذكرئ ثمان اسنين مغيرها هي
اللي بقت لي منك ذكرا ثمينه
فيها مجمل بالوفاء دايمٍ لي
بنيت لك فيها بقلبي مدينه
يكفيني اللي منك جاني ومعفي
وغلاك في قلبي حباله متينه
لك المشاعر بالغلا مثل ماهي
لو الوصل منك غلا فاقدينه
احساسك اطاغي نيابه ماوفي
متوصل بقلبي صعب تمنعينه
هو ملهم شعور بحرفي ونضمي
لو كان كل حروف شعري حزينه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر