قصة حب

بداية القصة
دلوني ع الأرض اللي خطى عليها أقبلها

دلوني ع التربة اللي منها ترابه
وهاتولي عينة من الهوا جنبه أحضنها

وخدولي صورة للشمس الطلها على بابه
...

حبيبتي لو شافها القمر يحسد جمالها
والنجوم تتمنى لو تبقى ف مكانها

قلبي من يوم ماتخلقت وهوا ساجد
يدعي رب الكون يكون لو يوم عشانها

...
الخيانة أنك أنتي تكوني فاكرة

حد تاني كان فقلبك قبل منه
وإن يبقى مكانه فاضي وتبقي ناكرة

أنه في حياتك وأنتي عايشة جوة منه
...

هو ايه الحب يا حبيبي غير حَقَائِقُ
فيها بنشوف اللي حبينه ف السما

ويجمع القدر ما بينا وفي دقائق
قلب يهلك منا يرجع يترمى

...
قلبي دايب في المحبة والحبيب أبلد

كان مابنا حبل موصول أنقطع م الشد
ساب حبيبي أتخلى علطول عني وقت الجد

ولما شافني في بعده منصور مد تاني اليد
...

قالولي حبيبتك نزلت بحر الغرام تاني
مد الشبك هاتها

فقلت أدعولنا أنساها وتنساني
في إيد غير إيدي لمستها

...
فضفض مع اللي بيسمعوك

وأجعل كرامتك مبدأك
خوض حرب مع اللي كذبوك

وعيش مع اللي مصدقك
الشاعر سعيد الحنفي