وطني - فهد المنصوري

📍استهيضي بالهمم والخصم يزحف غادي
‎هيّبيهم بالعتاد اللي يروّع حزمه
 
وحشدي جندك قريب الخصم والمتمادي
‎لين كلٍ يعرف حدوده ويعرف قسمه
 
راح وقتٍ فيه نستنكر كما المعتادي
‎وحل وقتٍ فيه نردع خصمنا وانهزمه
 
والله ان الشعر ياقف لك فخر يا بلادي 😎✋🏼
‎في عيون الشعر دايم منزلك يانسمه
 
يا وطن شعبك ذخيره من ولاء وزنادي
‎كلنا رهن الاشاره 👈🏼 جيش فارق عزمه
 
فالشمال الرعد صوته لج في بغدادي
‎وفاليمن جبهه تروّض خصم ضاق بنسمه
 
قادها سلمان وانشد عن اثرها 👈🏼هادي
‎ويش سوى فالعدو اللي هناك و شسمه
 
ودامت انك في ذراهم/ انعمي يابلادي
‎‏الامور الباقيه / في ذمتي منحسمه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر