ملوك الجزيرة . اليوم الوطني ٩٠

سلام ماهو في غلاف المجلة
قدم الملوك معصبين العمايم
الي رقوا لسهيل عدوا محله
شهبن تدك ابليس عند اللزايم
العدل يبغى له رجالٍ تشله
والظلم يهدم له جبال ٍ عظايم
شمس علينا بالجزيرة مطله
سلمان سلمان الحزم والعزايم
ومحمد الي كلنا تحت ظله
عمامته فوق الجدي والنعايم
ليث الشرى تفداه قومٍ مغله
صُبت عليهم من يمينه هزايم
مضراب كفه من يروّغ يشلّه
والي يصيبه خرنق بكف حايم
خلفة معزي والشبه جاك كله
مولود ونمور العجم له تمايم
منشاه عين أسد الجزيرة تدله
ومصقلن بين السيوف الصرايم
الفرس ببلاد العرب مسفهلة
وخزّم مناخرها قوي الخزايم
والترك نوخها وجت مستذله
والدمّلة محصورة ٍ بالجحايم
اخونجها دفّن بهم تحت ملّه
روس الضباع بكل وادي جثايم
جاء للفساد ومن تراقيه تله
وداسه برجل ٍ ثقل جال القوايم
مكمان فهْد ٍ صيدته تنتحل له
ومفراس نمر ٍ هايبته الهوايم
عز الله الي يبغضه ماويٍ له
ماكول قلبه بالحسد والنمايم
ابليس ما يطهر مع الوقت لله
لو شفت بعيونه هدو اليتايم
شعب السعودية وعى ينختل له
لوهو من المنبر دموعه رزايم