اللاد عاصم

لـ فهد المنصوري، ، بواسطة النخبه، في غير مصنف، 19، آخر تحديث

اللاد عاصم - فهد المنصوري

احجزو لي في يناير واعلنوا تم اختطافي
‎مانويت ارجع قبل ماقضي شهر بيّت نيه

ودي اسج القدم وارجع مع النفس امتصافي
‎في ديارن مابها للشمس حر ولاش فيه

المطر هتان فيها .. والحيا فيها يشافي
‎جوّها مدري تقول الصبح ولا فالعشيه

بعد جايحة الكرونا جت ومرتنا عوافي
‎احمد الله واشكره مادام منّ الله عليه

ارعبت كل الملا لين امتلت منها المشافي
‎وانحجرنا ف البيوت وعزلة الشاعر قويه

كل ما مريت (قصر افراح) شفت النور طافي
‎قمت اسب الصين واشتمها على هذ الخطيه

دامت الدعوه سهاله والمرض منه امتعافي
‎طاب نظم الشعر يالهاجوس فالميقاف هيه

رجعت الحفلات مثل اول وجو الشعر صافي
‎مثل رجعت مذنبن تاب اله روحن رضيه

ياسلام الله سلامن فيه طبع من السنافي
‎لانعزم في حفل صاحب جا وقدّم له هديه

من غلاوت صاحبه مايعتذر لو جاه حافي
‎ايتعنّا له ويحضر حشمة الناس الوفيه

انعزمنا في حفل صاحب عزيز وشخص وافي
‎راعي الوقفات والجزلات والكف السخيه

صاحبن صخّرت شعري له وطوّعت القوافي
‎يبشر بوقفه ماهي بالشعر والدعوه حميه

يوم كلمني وقال ابغاك في ليلة زفافي
‎قلت تامر امر وابشر واترك الموضوع ليّه

من ( عتيبه ) والاسم لطروه للحظار كافي
‎مقترن ب ( النعم ) دايم واسمها ينطق سويّه

محفلن فيه النشاما صف واحد بائتلافي
‎ما اسمع الاّ(يا هلا ، يامرحبا ، يالله حيه

من كرم راعيه ف الحله وزود الاختلافي
‎المباخر (عودها ) فوق الجمر يمكن (وقيه)

لو يزيد شوي يمكن تستلم فرقة مطافي
‎لين يخلص حفلهم والكل يضرب له نحيه

انت يا سلمان غالي فيك من صدق اعترافي
‎لاتحملني بما لا اقدره … وتلدّ فيه

مكسبي من معرفتك الطيبه يالذيب صافي
‎نعمه من الله ووهبه لي من جزال العطيه

والجميل الله يقدرني عليه ان كان خافي
‎مابصبرني عليه الا القصيد اللي يديه

تكتبه في مدح رجلن يستحق الاكتشافي
‎وتشكر اجهودي بعد علمتهم بانك هنيه

#فهد_المنصوري
—————————

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر