الله يذكر صاحب قد جفاني

الله يذكر صاحبٍ قد جفاني
اللي جعلني بس أسامر خوية

البدر لا قرب على الأرض داني
أحب سري الليل روحة وجية

ماغير أسائل هاجسي لاوفاني
وشلون عين الريم وشلون فيّة

وانا ترى باسألك ما قد رآني
في سجته جالس مع الشاذلية

ما خط لي شعرٍ لذكرى زماني
ولا حط لي صورة بجنب الهوية

ولا كتب اسمي وشكل معاني
ولّا وقف عند المراية شويّة

يرفع لشعره في كفوفه ثواني
يتذكر الماضي وحنا سويّة

يقول في نفسه زماني لواني
الله يا ذيك الحياة النقيّة

يا هاجسي بسالك كانه نساني
ولّا وقف وقت الغروب بعذية

ويقبّض بكفه لفقد الحناني
لين أطرق بعينه لشوف المسية

ثم رد ما شفته ولا هو رعاني
ولا ترسلن ثاني يا غالي علية

قلت اتركن يا هاجسي لا تخطاني
ولا طابت علومك ولاطبت جيّة

ابشتري لي هاجسٍ نوع ثاني
يحط لي عينه لعيني وفيّة