عايد بجزلات المواقيف يرهي جمْ غزير ما يشح بمسيله - عبدالمجيد سعد الرشيدي

لاتجادل اللي يشمت بكل مبلي‬
‫خله يولي لين يلقاء حصيله‬

‫وابعد عن اللي غره البس وازي‬
‫اللي علومه مثل هرج الحليله‬

‫خلك مع اللي يكوي اللاش والعي‬
‫اللي علي دروب المراجل دليله‬

اليا زهمته فز وديم يجي حي
مطنوخ راس ولا تدور بديله

ولطيب فزعه والموقف ترا هي
اللي تبرهن بين دق و جليله

احدن ليا منك زهمته يلبي
من طنخته يقدح بزند الفتيله

امن اسطر كل الصعايب ولاشي
واللي قدم عينه يحده يزيله

ياقف مواقيفن وبطيب يروي
بفعلن مشرف عز منهو يجيله

واحدن ليا منك زهمته غدا لي
ماتشيله عضامه ولاحدٍ يشيله

ولكل حيٍ بالعرب يعتبر حي
بعض العرب ودك تجيه وتزيله

لصار ماله بالمواقف ولا شي
وقت الفعايل مثل جرف النثيله

هذا ولو يجيك عن فزعته عي
لاتقبل بفزعته ولا تنتميله

خلك مع اللي لفزع يكوي العي
راس الشجاع اللي فعوله نبيله

بؤقت القاء يقدم ولقلت له هي
يقدم ويضرب ضربة العز كيله

ليا ضرب يوجع ولا يوجعه شي
ساطي وناموس الطناخه حصيله

من روس قومٍ عزهم بسماء ضي
اهل الفعول الكايده والجميله

عدوهم ما طال عمره وهو حي
وان طال عاش بذل ماله بديله

وخويهم من طيبهم ماشكى شيي
قدام يشكي حاجته تستميله

واضيوهم تلقا الترحيب والفي
والعود الازرق من بعيدٍ تخيله

مثل الضباب ودلة البن تغلي
فوق الجمر تلقاء دلال امعميله

واليا نصاهم من عثر وقته بلي
يلقا الذرا والعز يامن مقيله

يارد علي عدٍ مشرع ومرهي
في جزل مدات بيمينه دليله

عايد بجزلات المواقيف يرهي
جمْ غزير ما يشح بمسيله

لجاه ضامي راح ماهو بمضمي
يروح من عنده ويذكر جميله

يشوش ليا منه وقف وقفته ذي
وياقف لها وقفه تبرد غليله

ولاالردي بالجد عظمه يجي ني
ليا هبت الرياح الحقيقه تزيله

ماهو بمنصا ولاحدن يطلبه شي
يمناه حتي لا أهل بيته بخيله

والا الكريم بطيب يمناه يرهي
واللي لوجه الله ربي كفيله

والطيب نعرف بالكرم حاتم اطي
من ذكر طيبه ما لحقنا بجيله

تظرب به الامثل حيٍ بعد حي
لو مات راعي الطيب طيبه بقيله

وانا بجيلي باذكر اللي وقف لي
وقفت شجاعٍ مايجي فيه ميله

عايد بفعله والكرم ماذخر شي
ياقف وبالماقف ينومس قبيله

وعايد طليق حجاج وينومس الحي
عز المراجل والمواقف جزيله

اليا وقف قال ازهله واتركه لي
واليا عصب راسه يشيله الثقيله

والطيب بعروقه مع ادم يمشي
كن الكرم دمه منه والفصيله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر