تفاحه

لـ فهد المنصوري، ، في الانشاد والشيلات، 18، آخر تحديث

تفاحه - فهد المنصوري

يازين القصيد اللي من احساسنا منظوم
‏‎يجدّد نشاط الجسم وينقص املاحه

يخفّف عن الواحد ليا جا فالعلوم اعلوم
‏‎ليا سج مع نفسه وغيّب عن اامراحه

خطاك العتب ياصدري الممتلي باللوم
‏‎وفداك القصيد العذب كله بمسباحه

الايام ماخلّت ولا ~ واحدٍ معصوم
‏‎مقاديرها تلعب مع الحظ . مرجاحه

تحدِر بنا الله وادي ونزعل من المقسوم
‏‎ونرضا بواقعنا . ونسعى على اصلاحه

تهون الكباير في عيوني وتصغر يوم
‏‎الد النظر ف اللي بكى سبّت اجراحه

واقول العوض فالمقبله ماني ب محروم
‏‎مادام الله املبسني الصبر بوشاحه

انا في رجا اللي فارج الهم للمهموم
‏‎يفرّج هموم اللي طواريه تجتاحه

مطيح الاكابر من عيون الملا مذموم
يسبب خلل واضح على النفس فالساحه

لو الطب ينفع فيك ياصدري المكتوم
‏‎تخلّصت من همّك بدكتور وجراحه

لكني عجزت اللقى دوى طبّك المعدوم
‏‎لو القا علاجك رحت له مشي وسباحه

مغير اتعزّز بالصبر وانثني واقوم
‏‎كما اللي مشى من باب صنعا ليا الباحه

تجنّب ( دروب مزفلته ) خطها مرسوم
‏‎زهابه رجا بالله … وإيمانه اسلاحه

يدوّر على رزقه … وفي رحلته ملزوم
‏ف ( رحلة شقا ) ماجاك في رحلة سياحه

وقف في طريقه عسكري فالحرس منجوم
وعنما اشتهى صده » بعد طال مسراحه

ياليته درى عن صدره الضايق المكلوم
وعن راس مال(ن) ضاع ماحقّق ارباحه

قبل ما يردّه منكسر مستوي مهزوم
وقبل مايسلّم محضر القبض ويضاحه

هذي حالتي من عام واكثر وانا مصدوم
خياراتي الصعبه معي ماهي امتاحه

اجي مبتسم دايم .. ليا جيتكم معزوم
‏‎مقفّل على حزني … ورامي بمفتاحه

تشوف ( الفرح ) دايم على ناظري مرسوم
‏‎تَحسب ( الحزن ) ممسوح مني بمسّاحه ؟

لك الله ماعشنا حَلاها … سوى في النوم
‏‎توسّدت واقعها .. والاحلام طراحه

ليامن صحيت اقرّب الحلم لقرب زوم
‏‎أبا احقّقه بالعين … ويروح مرواحه

كذا الله خلقنا في شقا والحياه اتدوم
وحرّن شلع فيها ينومسك ب جناحه

(عيال الحمايل)_ لو يجي حقها مهضوم
‏‎ترى صدورهم شرحه ، مرحه ، ومزاحه

يبان الفرح فيها لو ان همّها مردوم
وهي عادة اللي للمواجيب نطّاحه

اخذنا شهادة ( جامعه ) ماهي بدبلوم
ومن جامعة صبري تخرجت وكفاحه

تعلمت فيها بان راع الكفاح يروم
مصيره يولّع في دجا الليل مصباحه

(دروب العلا) تِتِعب وتوّصلك للمعلوم ‎
اذا خاطرك توصل … توصلك بالراحه

(ودرب الملّل ) ضعفٍ وخيبه على المشؤم
‏‎ترى صاحبه ضاري ليا قام بالطاحه

(نخيل الحسا)مايشبهك يا(غصون الدوم )
متى (العود الازرق) ينّتقارن (ب فواحه)

وش الرجل لولا العزم .. دام الرجال عزوم
نيوتن / قضى عمره على شان 🍎

#فهد_المنصوري

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر