الملازم والرقيب

لـ ، ، في الرثاء، آخر تحديث :

ياليت الايام تسمح قبل وقت المشيب‬
ونادي سهيل ونلوّح لنجم الجدي

‫الحلم دوبه (ملازم) مجتهد والرقيب/
يشبه لوضع ايامي المحتدي

‫لا قلت جاك التقاعد ؟ قال ليته قريب‬
مقطوع ظهري من الخدمه وجرحي ندي

من كثر ماهو قنع منها بحكم النصيب
راحت حياته وهو مابين ركض وعدي‬

عطوه رخصه عشان يروح لهله (واصيب‬)
‫وهو على الحد ‬واقف يرمي المعتدي

ثم قال طالبك عنهم لاتروح وتغيب
ايتام وضعوف خلك دونهم يابعدي

ترى عيالي امانه طالبك » يا لبيب
احفظ وصاتي وانا خابرك منته ردي

قلت ابشر ابشر وعنزها على اللي يجيب
ادعاي ودعاك لا لحقتك صدمة بدي

تراهم ف ذمتي وانا لجرحك طبيب
روحي ومالي ترى من دونهم وجهدي

وضاقت عليه الوسيعه وقتها مستصيب
ألين راحت سعتها مثل راحت يدي

وايقنت بان الجروح الموغله ماتطيب
وان (الضروف العصيبه) دوبها تبتدي

اتخلي العقل يصحى من سباتٍ غريب
واللي من الناس طايش (يعقل ويهتدي)

#فهد_المنصوري

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر