الله يصبر قلبي اللي تباطاه

لـ عبدالمجيد سعد الرشيدي، ، في العتب والفراق، آخر تحديث

الله يصبر قلبي اللي تباطاه - عبدالمجيد سعد الرشيدي

الله يصبر قلبي اللي تباطاه
من كثر شوقه زايد اليوم خوفه

اغليه واحبه وهوجس بطرياه
كل المشاعر يم روحه تحوفه

ان صد عني قلت ماصد برضاه
ظرفن يحده وصدته من ظروفه

وان طول غيابه ولا عاد شفناه
قلت الغياب من الفراق وكفوفه

لو صافح كفوف الفراق وتنصاه
ما تقدر كفوف الفراق بطيوفه

ولاتقدر الفرقا من القلب تمحاه
والله منسى نادرن في وصوفه

سبحان من هو كمله ثم سواه
واعطاه فوق الزين روحٍ عطوفه

متشبعه ما تلحق اقصاه ودناه
كل شي فيها يستحق معزوفه

نادر ولا له بالبشر من حلاياه
ماتشبه الا الغيم لارخى قنوفه

بنت الشرف والعز دربه وممشاه
متوشحه ثوب العفاف وعيوفه

ثقل وعقل هيبه ليا مد بخطاه
تجلا عمس عينن تناظر وقوفه

طهر السحابه والحيا في محياه
حشمه وشيمه وبرزانه معروفه

حبي لها ما ينتسى كيف ابنساه
وبيوت شعري غردن في حروفه

اسمه بجزلات البيوت المبناه
هي ملهت شعري بكل معزوفه

كن القصايد والمعاني مثناه
في محجر عيونه وراحت كفوفه

هي عايده والطيب والعز مبداه
وغناة روحي يوم روحي بكفوفه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر