الجود مد أهل اليدين الغزيره - عبدالمجيد سعد الرشيدي

الجود مد أهل اليدين الغزيره
مد ن على وضح النقا مابه اطماع

والبخل راعي البخل ملعون صيره
ياخذ ولا يعطي وأهل بيته جياع

والعز وقفه سيف يروي جفيره
وفعلن يخلي شاهد الفعل يرتاع

والذل يسكن بالوجيه الحقيره
اللي بلا عزه وتخدم على القاع

والفعل فعل اللي فعوله شريره
ساطي وينطح بالقسى عد وجماع

والحق حق وصدق عينن بصيره
تنطق بصدق ولا تحرا للاشفاع

والهزل هرج من العفون المريره
بهروجهم محدن سمع كثر مذاع

والجزل منطق من وجيهن سفيره
ودك يطول الهرج وتنصت بالاسماع

والشيب ماله عين عينه ضريره
يغزي الاوادم دون عذر وتشفاع

والعذر يقبل دون سابق نذيره
وإطيب معاذير العذر مابه قناع

والصمت صمت إهل النفوس القديره
صمت الثقه بين ولا هو تخداع

والهرج يثمر قلته عن كثيره
ولآ زاد هرجك متحلا بالانفاع

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر