كفوف المرام - سعود بن فهد ال ثاني

برقٍ سرى باقصى الضماير يطوف
يمر ليل الحب بين الغمام

غصن المشاعر مال شوق وحروف
تزهى قلوبٍ بالغلا والهيام

ذي مهرتي ونور المحبه يحوف
باقبالها يشرق سناها غرام

باوصافها ماتمل عينٍ تشوف
تخفي نظرها من صواب السهام

بفياض قلبي مثل ظبيٍ خشوف
بين الغداري والنفل والخزام

تلعب وله من فوق جمر العسوف
اللي رسنها في كفوف المرام

على لقاها نبض قلبي شغوف
في ليلةٍ بتكون بدر التمام

تمطر عيون الشعر عذب الوصوف
وانبت لها مع كل نبضة كلام

© 2024 - موقع الشعر