ربيع القلب - سعود بن فهد ال ثاني

في صوته البارح تعاتيب ومزوح
وفي قلبي البارح من جروحها شف

يا كيف اضمّد جرح ينزف من الروح
ونزف المشاعر من ورى البعد ما جف

غلاه فوق الغيم شيدته صروح
اللي مطرها من غلا الزين ما كف

أقفى ربيع القلب والقلب مجروح
ويبست ورود الوصل والحرف يَذْرفّ

في غيبته شعري بدا يعزف النوح
وطير الهوى عن يابس أغصانها رف

سر الهوى لو أستره عنك مفضوح
آقدّم جْروحي على راحة الكف

© 2024 - موقع الشعر