كم واحدً

لـ ، ، في الحكمه والنصح، آخر تحديث :

كم واحدً ماله على النايفه باب
وكم واحدً تايه مضيّع دليله

وكم واحدً من غابر الوقت مرتاب
والوهم له جنحان فوق المخيله

هو كاذبً والا هو الوقت كذاب
مهما يكن ما زاد او قل كيله

والصاحب الي ماعرف قدر الاصحاب
لاتحسبه من جيز ربع القبيله

وياعين لولا الرمش واسبال الاهداب
ماكان عشتي يا العيون الكحيله

ومن تعلّى فوق جبهات ورقاب
مايربح الا كل ما هي فشيله

معنى الوجاهه ماهي القاب وانساب
تبني لراعيها خيال الطويله

فكلمةً بالحق من دون يرتاب
لو كان راسه من ثمنها يجيله

هذي اذا كانت على قضة الناب
تعنى الوجاهه والفعال النبيله

والا الذنبّ ربعه هلافيت واذناب
طافي سراج العز قاصر فتيله


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر