سعود الخير - سعود بن فهد ال ثاني

الا ياليل وش باقي من أحزاني ودمعي سيل
معك ثارت مواجعنا وضمايرناا عليك رجاف

فقدنا اللي اسكنت روحه محاني روحنا بالحيل
فقدنا سعود والاحزان جارت والقلوب رهاف

فزعنا والفراق يهزنا .. ذيك العيون مخيل
محاجر تذرف بحسره مدامع من هدبنا تراف

مسافات الرجا طالت وصدري من الدعاوي يشيل
دعينا والرجا بالله قويٍ والقلوب شغاف

سعود الخير وجه الطيب ثغره لابتسم لي يزيل
همومٍ تسكن بصدري جروحٍ في فضاها رعاف

اناظر في تفاصيله واشوفه في سمانا سهيل
تباشر وانتثر نوره على الغيم وعلى الاطراف

بدا صبره على جبينه ورود من الرضا إكليل
تقاوى بحصن ايمانه .. عضيد لحاجته وقاف

طريق الصبر اخرها ثوابٍ مانقص من كيل
عسى أعماله بميزانه ثقيلة والخطاوي خفاف

عسى قبره فضا وفسحة ونور منزله تنزيل
تهبه بارد الجنه بنسماتٍ .. تمر لطاف

آلهي تجعل الفرودس منزاله وعين تْخيل
نعيم الخلد من ربٍ رحيم ويكرم اللي ضاف

رجينا منزل الذكر الحكيم بمحكم التفصيل
كتابٌ مفصل الآيات يحوي من بديع اوصاف

© 2024 - موقع الشعر