وجه الضيا - سعود بن فهد ال ثاني

ليالينا من الفرقا فقيره والقلوب شحاح
على الله ينفرج كربك ويشرق صبح ضحكاتك

اشوف من الاسى ظلمه وشعري بالدجى مصباح
وانا مابين هذيني سألت الله مرضاتك

يَ كيف اكتم شعورٍ للحنين بداخلي مرواح
طلايع هاجسي ترده اذا ينكف بغيباتك

إلى من فارقك نورك شحب وجه الضيا وانزاح
وقفّى النور من دربك ..تقول الصبر خطواتك

سلينا من المواصل لين قربك من يديني راح
خذانا ليل في صمته كدر واحزان آهاتك

اذا برق المودة ضي في صدر السحابه لاح
فلا تهلي من احزانك على الأهداب عبراتك

احب اللي سكن قلبي لكن عن عيوني شاح
احسب الحب ما بين الدعاوي وبين سبحاتك

ظمينا للقلوب اللي فضا ربي غدت ارواح
الين ابتل من حزني الثرى باسباب دمعاتك

© 2024 - موقع الشعر