يا جنون الشعر لا يا مسافات السفر
من متاهات الفكر لا تجاريب الحياه

لو يسج القلب ما له عن أهمومي مفر
لو كذا والأ كذا والله إن حزني كماه

حام طير الحزن في صدري وليته نفر
وأثر ماكره الضلوع ومعاليقي سماه

كنت أحسب الليل لو طال يجلاه السفر
وكنت أحسب الضامي إليا ورد يروي ضماه

لين شفت الحظ يرجع وراه ويندفر
وقتها أيقنت بإنه حداه اللي حداه

الله أكبر يا أشهب اللال والون العفر
والله أكبر يا خوي تبين لي رداه

صدر مفهوم الأخوه من أفعاله زفر
غيض والا فيض والا وصل لقصى مداه

شيمتي والا الردي والله إن ماله مفر
من رداه اللي حداه يتخبط في عماه


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر