أنا غني ياشمس - وهاج السلمي

كنتي على باب المواصل تمرين
ولا عاد باقي غير جرة مرورك

اشوفها وأقول يمكن تعودين
عسى الحنين يجردك من غرورك

أتخيلك في عين والقاك في عين
حتى عيوني صارت تعيش دورك

وأثرك تجين تودعين وتروحين
اخر لقاء و اول مقاديم جورك

الغدر في بحر المحبه له يدين
ويجذبك موجه لين يبدأ يغورك

و حبك سكن قلبي قبل لا تحبين
واسترسلت سفن الهوى في عبورك

ماكنت احسبك في محبتك تقسين
و اقول مخلوق الوفاء من شعورك

كنّا سوا في قلب وبنبض قلبين
أعيش حزنك وابتهج من سرورك

ومن يوم صرتي في وصالك تغلين
انا غني ياشمس ما احتاج نورك

وهالحين لو قدام عيني تمرين
عادي ترا ماعاد يعني حضورك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر