يا خاطر الشوق ما سرك هديل الحمام
اهل الهوى لا عزف في جوها ضرها
العاشق اللي عزل روحه عن اهل الكلام
يخاف كلمه تجي ويموت من حرها
حتى ولو ان شوحه في بعيد المرام
الزاجل يمر بحر احلامه وبرها
ياسفن الأحلام ماجيتي لميناء السلام
امواج الأعماق دونك عايمٍ شرها
رياحها العاتيه تعزف على اعلى مقام
واخاف من لحظةٍ تحدث محد مرها
والخافق اللي قبل يفطر من الحب صام
صمته وقوة صموده للولي درها
حتى ولو قسوة جروحه تصب الملام
مزون عينه ليا شح الوفاء قرها
تشكلت بعد طاحت مثل حد الحسام
عل الهواء في عيون اخصامه يذرها
وانا ليا شفت وجه الحب كله غرام
ماقلت فرصه وفاتت ليش ابا اكرها
الحب تدفع له الاعمار في كل عام
واهل الهوى ماتفوت فرصه تمرها
يا مظهر الحب آسف كان سوء الختام
جوهرك ضر اول أحلامي ولا سرها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.