حجاج الشمس - وهاج السلمي

حجاج الشمس سدل وارتخى في لحظة النسيان
ترك حلم العمر وسط العتيم الحالك الديجور

فتح عين المفارق للرحيل وساعة الحرمان
وكشف عن واقع المجهول سر المنهي المامور

ونزف قلب الأمل بين الشعور ولهفة الولهان
ي قلبي لا تندم مابقى بعد الفراق شعور

حبيبك ودع الحب العظيم وخيّب الوجدان
بعد ما كان له في كوفل الصدر الجريح حضور

رمى كل المحبه في سجون الفقد والطغيان
كأنك كنت له مرفى حياه ولا رحل ماجور

مايدر انه ترك بين الضلوع المجدبه جيران
تسلى عن طواري شوفته في طيفه الماثور

ياليت البسمه اللي في طرفها غدر مهما كان
تودع مبسمه مثل الوداع اللي ورآه الجور

وانا يوم اسالوني عنك قلت القلب حب وهان
حرام اقول فارقني بدون اسباب وأي قصور

على لساني اقول انسان حبيته وفجأه خان
لكن القلب مايرضى الهوان ولن جفى معذور

واقول ان المحبه باقيه في خافق الخلان
تدور الذكريات بخافقه ويعود لي مكسور

© 2024 - موقع الشعر