لا تحسر لجل شي ماخذيت

لـ ، ، في التعليم والتوجيه، آخر تحديث :

حدد سيرك وين لا تمشي كذا
اقضب الدرب الصحيح اليا مشيت
لا تمس النار لو تلبس حذا
تنكوي بالجمر لا منك وطيت
مالك ومال اللقافه والوذا
خل خلق الله وشاهد وش جنيت
لا لقيت الغانمه منها خذا
واشتر الغالي ليا منك شريت
لا تقول ابي هذا وابي هذا
لازمن بالضبط تعرف وش بغيت
لا تفك اللي بيدك الا اذا
صرت ماسك في يدينك مالقيت
القناعه كنز للعاقل غذا
مو صحيح انك تحصل ماشتهيت
كل شي مكتوب من قبلك لذا
لا تحسر لجل شي ماخذيت
اغلب زهور الجنان الها شذا
بس فيها فرق كانك مادريت

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر