المدح يزها راعي الصيت والجاه
ويزها الشجاع اللي فعوله عطيبه
ويزها كريمٍ فعل طيبه ب يمناه
كريم فعل وشاع ب الصيت طيبه
وانا بسوق المدح والمدح ينصاه
ولهو يخيب هقوت اللي يهقيبه
متعب ولد سالم ليا حل طرياه
ونعم تنطح سمعته في دروبه
حيث ان له قيمه وله عزٍ وجاه
وعند الصعايب يحتزم لصعيبه
مطنوخ راس ومن رجالٍ مسماه
اليا نصا الكايد بعزمن يجيبه
كل اصعاب يحله فوق مركاه
واليا عصب راس فعوله عطيبه
من هيبته كل المفاخر بممشاه
اليا مشا بالعز والفعل هيبه
له وقفتن تبلم حلوق المللاه
وله فزعتن تعمي عيون الحرييه
اليا نخيته فز والصعب يطاه
عز الخوي وعز من ينتخي به
يمحزم اللي حده الوقت لقصاه
ماغيرك اللي بعد ربي نهقّيبه
حطوه في بلوا سليمه ترا خطاه
ماله اثر وبفعلهم ما دريبه
انصاك يكحيلان واللاش منصاه
حيثك من الزحول الرجال العريبه
ويالله يالي تسمع العبد ودعاه
تفرج لنا من عوق دنيا عجيبه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر