احيان تلقالك من الناس رجال

لـ عبدالمجيد سعد الرشيدي، ، في الحكمه والنصح، آخر تحديث

احيان تلقالك من الناس رجال - عبدالمجيد سعد الرشيدي

احيان تلقالك من الناس رجال
‏ياقف وميقافه يجيب الغنيمه

‏وحيان تلقالك من الناس دجال
‏يهرج هروجن كل ابوها نميمه

يصاحبي بالوقت يكثر الانذال‬
‫ويكثر منهو مثل عقل البهيمه‬

‫ويكثر منهو عابد الذل والمال‬
‫لاجل المصالح يرتخي للهزيمه‬

‫ويكثر منهو بسعه يلبس عقال
‫وقت المواقف ما يفارق حريمه‬

‫ولياانتهي وقت الفعل جاك دلال‬
‫يكذب ويسخط بالرجال الحشيمه‬

‫من يجهله بيقول وافي ورجال‬
‫واليا عرفته ما يزعل خصيمه‬

‫ادنات محده على الضيق والجال‬
‫وهو حد فعله هرج وقت العزيمه‬

‫هنا يجيك مخرج اجيال واجيال‬
‫وكل الهروج بكذب ولا عقيمه‬

‫اهل الوفاا بالوقت مظرب للمثال‬
‫وبالطيب يمناهم من الخير ديمه‬

‫وبفعالهم فوق النوايف علا عال‬
اليا فعلو فعل الحرار العديمه‬

تكرم شواربهم عن العيب والقال
وتكرم لحاء روس الرجال الكريمه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر