انا اول شخص وانا اخر انسان - ممدوح العضيبـاوي

اليا خذلوك الناس والوقت خانك
وبك قام يتشمتبك فلان وفلان

وباعك من اللي قلت لي عز شانك
وخانك مثل ماقلبك اليوم بي خان

وعديت في بالك وطحت بمكانك
وعييت لا توقف وبالدمع غرقان

ابيك تذكر كل ماضي زمانك
وتدقق بكل شيء مابيننا كان

جرحك وجع صدتك زلت لسانك
بعدك غيابك كل طعنه وبهتان

حتى دموعي يوم :- طاحت عشانك
يومك تجازيني بصده وحرمان

وابيك تذكر شي يازين كانك
قدرت نسيانه بسجه وهجران

يوم اتصل مشتاق :- راجي حنانك
وتقولي غلطان : ياهيه غلطان

شفت الزمن وشلون بالحيل دانك
وشفت ان قدرك عند مغليك ماهان

وشفت ان قلبي كيف ضمك وعانك
رغم المواجع والماسي والاحزان

ماقول اناكثر شخص حبك وصانك
بقول انا اول شخص وانا اخر انسان

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر