سمعت صوت اللي قنب يوم عديت

‫سمعت صوت اللي قنب يوم عديت‬
‫براس الطويل اللي علي الكل زامي‬

‫غنا وانا مع بدر بصووت غنيت‬
‫يوم ن صوته لامس بجرح دامي‬

‫غنيت بجزال البيوت و تنقيت‬
‫ابيوت شعرٍ من سحاب الغمامي‬

‫علي عشيرٍ مبعد الدار والبيت‬
‫عليه مني كل يومن سلامي‬

‫غالي ومسكن موطنه بالوطن كيت‬
‫كيت وكوى قلبي بنار الغرامي‬

قلبي بعد فرقاه لا حي لاميت
والحال مثل اللي اطواه الهيامي

ماغير اهذري به واليا اشتقت سجيت
والعقل شارد معرف يوم عامي

حكم القدر والقلب لرد موحيت
هذا جوابه ل حكم وأضح وعاّمي

هي وافيه بالحب وانا بعد جيت
ووفيت وغنتني بصدق اهتمامي

ذقة الغرام ولذة الشوق تنهيت
لو ان وصله بس وصل العسامي

حاولت اغير عنه لاشك انا ازريت
ازريت عن قلبٍ ن عنيد ونضامي

لو صد ما صديت لو قلت ياليت
اصد مع صده وفك الزامي

لاشك قلبي فيه طبعٍ وعانيت
ما غير دروبه ولوهي حطامي

قد قلت له قولن وللقول وفيت
شعري وحرفي بوسمه اليوم سامي

وسمه بشعري كل مشتقت ناديت
يقلط على عزٍ رفيع المقامي

ادراه عن هرج الخبول الهتيهيت
وحشمتها عن زلة أهل الملامي

لعيونها لو فتتو الجسم تفتيت
ارضا العذاب ولو بعدها العدامي

هي عايده وان كان نادت له جيت
اجيه لو ظرب الفشق صلي حامي

‫يابدر مالومك ولو زدت ونيت‬
‫ونت غلا وانتا عزيز المقامي‬

‫الحب ياهل الحب مثل ادنميت‬
‫يزرع بوسط القلب عشق وغرامي‬

‫اليا وفاء الزارع ومع صدقه أوفيت‬
‫يبقى الخطر للعذل وأهل الكلامي‬

‫وان كان صد وزدت بالبعد صديت‬
‫لا تامن ضلوعك يجييها انهدامي‬

‫لغم المحبه لو تقويت وأبطيت‬
‫لابد من بعده يثور الغامي‬