ياعايده والحب ماله ترا شهود
ولاله أدله في نصوص الشريعه
لكن ترا بالحب عهدٍ و م عهود
عند الوفي مثل الأمانة وديعه
ترا الوفا ماله تواقيت وحدود
و لهو يزل ان زل يومه خريعه
موقتن توقيت والدرب مسدود
عند الردي الي سوات المذيعه
الي بلا ذمه و لا يوفي ووعود
ماله مع الاجواد حق وصنيعه
وحبك مع الايام من زود في زود
ماهو بثلجٍ ن شمس بعدك تميعه
ثابت ثبوت طويق والحبل ممدود
حبل الوفاء والوصل ضد القطيعه
حب النقا والطيب والعز والجود
لو ينتحي من بيننا نسد ريعه
وحبك مداه بعيده ماهو بمحدود
وصفك يفوق بوصف سحرالطبيعه
مغيرك بكوني ولا عاش موجود
ونبظات قلبي لك تزايد سريعه
شوق ووله يزداد ماينقص يزود
واشري رضاك وخاطرك مابيعه
انا علي شانك لو الحال مهدود
امرك يلبيه الخفوق و يطيعه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر