العالم غياب

ليه أحس الناس والعالم غياب
لو تضج أصواتهم ما اسمع أحد

والمدينه حالمه .. أمست خراب
لا السما زرقا  .. ولا البلده بلد

والطريق اللي يرجعني سراب
المسافر روح والحاضر جسد

ما شريت الحزن من سوق العذاب
ولا رضيت القلب يحيا في كبد

أخطف الصوره من يدين الضباب
وأخفي المشهد عن عيون الحسد

لين ثارت من ورا الموجه عباب
قام فيني ياس بعده ماقعد

كن ليلي حارسه نجم وشهاب
لين أشوف الصبح بعيون السهد

أدري الدنيا ملاقى واغتراب
بس قلبي كان ماهو مستعد

من درى بالحال حرفي له جواب
ومن جهل ماني مقدم له سند