انا ابن ابوي - عبدالكريم العفيدلي

يابنت أنا ماني بشيخ ن ولا آمير
أنا ابن ابوي اللي اظهرته ذراعه

محمد ..محمد ذعاف المناعير
محدٍ سبقه لغانمة بالجماعة

يسوقها سوق النياق المغاتير
ويجيبها لوهي ببطن السباعة

له وقفةٍمايوقفوها الطراطير
وله مشية ٍمنها تهاب الرعاعة

وله صولةٍتروي الحدود الشواطير
وله جولةٍيوم المنايا بضاعة

عليه راي وحاذق ٍ بالتدابير
وله کلمةٍ مابين ربعه مطاعة

بالشعبنية له مکانة وتقدير
وزبيد حمير تشهدله بباعه

قرم ٍلياساقوا عليها المعاذير
للجود جود وللشجاعة شجاعة

عفيدلي وباسمه تغنی الغنادير
وهو سترهن يوم اصفر الزلف راعه

وهو درع منهو مالقاله نواصير
وذراع منهو قاصرة به ذراعه

ماهو بحال مقنطرين القناطير
ولاعذربوه مطققين الصباعة

يکرم وکل مايکرم الله بالخير
يزيده ،وکن مانقص فيه صاعه

الله يفکه عين نفاخة الکير
ويرد کيد اللي تواری بقناعه

يطول عمره للنقا والمشاوير
أبو کّريم للوفا والسناعة

وهذا انايابنت الاجواد عالسير
ماشي علی نهجه و وافي طباعه

ماني بمداح ٍلنفسي ولا اطير
کريم بأخلاقي وصاحب قناعة

مااوعدک لا قصر الخورنق ولاسدير
ولاتاج(إيريني )ولا اضمر خداعه

کانک تبيني الله يتمم علی خير
الله کرمک بمن تشيخه ذراعه

© 2023 - موقع الشعر