هوجست هاجوسٍ علا كل هاجوس
هجس الهجوس اللي تروس الرياسه
وابديت م كنيت بحساس محسوس
من قبل لكلف حدن بالعساسه
وخربوش جاهز للمهمات عسوس
وطااوس يبرئ له يلج الهواسه
هذا الزمان اللي به الحر محبوس
‏والذيب يقنب طاوي الجوع ماسه
‏وصد بشموخ وعز ماهو بلاحوس
‏وروح بجوعه مارضى باللاحاسه
‏والبوم يدنع بدنس كل مندوس
‏ويرفع جناحه يدعي بالفراسة
‏الوقت هذا وقت شاطح ومعكوس
‏وقتن قلب روس العرب بنتكاسة
معه انتكس بناس ناكس ومنكوس
‏ناسن بلا عزه تحب النكاسة
‏فضيخ قلب وبهات بعز جاموس
‏وعلي يديهم فن عمره وساسة
‏وقد قيل من قبلي مثبتً ومدروس
‏ما يطهر اللي مدرك بنجاسة
وسلم علي اللي بزمن باقي تروس
‫اللي من الطنخة علي العز راسة
اللي ليا كبرت ما يحتار و يحوس‬
‫يقدح من زناده بعزم و شراسة
ماهو بحاجه علم سابق ومدروس‬
‫عقله معه ماهو بحاجة دراسة
وماهو بحاجة شور لاهدت القوس‬
‫يقدح ولا يرخي مع الوقت باسة
‫قوي عزم وباس ماهوب دنفوس‬
‫علي النقا ماهو يحب الدساسه‬
ثوب المرجل والمعزه له لبوس‬
‫ومن هيبته كل المفاخر لباسه‬
قله ترى ينخر عظم وقتنا سوس
واسوس لطول علي العظم خاسه
وقله ترا هالوقت شاطح ومنكوس
تشيخ فيه اهل الردا والنكاسه
وتقدم اللي باخر اصف مدسوس
واللي علي مقيل جزمه مقاسه
تقيس المقياس وراسه له يبوس
ودايم يبوس انجس راعي نجاسه
الوقت هذا وقتهم صار معكوس
جنب عن العاكس وخل انعكاسه
ميت ضمير ما تنباا بمحسوس
ماهو ب متنبي بوقت الدراسه
مثله رضا في واقع اليوم ملحوس
وراعي ضمير يحس قبل العساسه
عاقل وعقلي يدرك الحد والموس
ماهو بضايع مع جنون الهواسه
امنت باللي نزل كتاب محروس
وبكتابه امؤن عن تطور دراسه
ماني ضعيف اندس مايقدر يدوس
ادوس صعبن مقوي احدن وداسه
بالفعل ولا بلقلم خصمنا يحوس
من فضل ربي ما نعيش بتعاسه
احرار ماجبنا لنا جند وحروس
هيباتنا بالعز جند وحراسه
وقفتنا بالفعل ماتجهل عبوس
عبس الفخر منها ابتد العز ساسه
اليا ظربنا ظربنا يحذف اروس
واليا حذفتا الروس زدنا حماسه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر