‫البارحه لليلي هواجيس و همووم‬
والنوم عن عيني يصد ب مصده
اسرى من الجلسه وانا ودي النوم
ويطير نومي لا لزمت المخده
وان نمت نومي ساعتن كلها حلوم
ولا فيه حلم ن صادق ن يوم أعده
يضيق صدري كل ما تطري علوم
علومن على صدري خطير ن تقده
يهاجسي لو تلتزم مانت ملزوم
في هجرست قلبن همومه تحده
عن مايخص النفس لوعشت محروم
خربوش لا تطلق سبوقه تهده
وباقي الامور اشلع سماء وبعد الحوم
والوفي الصامل حذازي ترده
ولاتحسب ان الامس نسخه من اليوم
واليوم غير الامس عندك وعنده
خابرك قاسي مانت لين ومهزوم
وفي كل موقف تاقف تكون قده
ويصمتي اللي طال ما يلحقك لوم
الوم لوم الصدر ل باح سده

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين