يضيق صدري كل م تطري علوم علومن على صدري خطيرٍ تقده - عبدالمجيد سعد الرشيدي

‫البارحه لليلي هواجيس و هموم
والنوم عن عيني يصد ب مصده

اسرى من الجلسه وانا ودي النوم
ويطير نومي لا لزمت المخده

وان نمت نومي ساعتن كلها حلوم
ولا فيه حلم ن صادق ن يوم أعده

يضيق صدري كل ما تطري علوم
علومن على صدري خطير ن تقده

يهاجسي لو تلتزم مانت ملزوم
في هجرست قلبن همومه تحده

عن مايخص النفس لوعشت محروم
خربوش لا تطلق سبوقه تهده

وباقي الامور اشلع سماء وبعد الحوم
والوفي الصامل حذازي ترده

ولاتحسب ان الامس نسخه من اليوم
واليوم غير الامس عندك وعنده

خابرك قاسي مانت لين ومهزوم
وفي كل موقف تاقف تكون قده

ويصمتي اللي طال ما يلحقك لوم
الوم لوم الصدر ل باح سده

© 2022 - موقع الشعر