مابه عذر يهاجسي والمعاذير
احيان في بعض المواقف فشيله
هات الجزايل صخر القاف تصخير
واعسف من امهار القوافي جزيله
بسم الرجال الوافيه والمناعير
اهل اظفر والطيب وفين كيله
واهل الدلال الي تفوح مباهير
فوق الغضاء والجمر كبر النثيله
اليا لفاهم ضيف مثل التباشير
كلن يقول اقلط بعينه يشيله
واليا بغى له عذر منهم وتبرير
مايقبلون العذر باي وسيله
من الفرح كنه من لارض بيطير
كنه مبشر في مزون المخيله
حتي لو انه في طريق المداوير
من مرهم معاد للعلم حيله
ماهم من الي يحسبون المخاسير
لو يأخذون الدين دبل ودبيله
وورثن من مسبل على درب والسير
ومافيهم اللي فيه لفه وميله
ابوحسن وحسين عوق المعاسير
اليا وقفو مثل الجبال المهيله
وسلطان ورزقي بفعل ومخابير
وممدوح لثقلت يشيل الثقيله
واحمد بشطحات الشجاعة كما الزير
ولا فيه صعبن يترك ما يجيله
واليوم بشرا من عظيم التباشير
الوحد المعبود جزل الفضيلة
أنجى رعد من عسر هم ومخاطير
بشر بها سلطان وسيف يعديله
من الفرح عجل وجى عكس سير
كنه بددربٍ ممشى بها دليله
وشب الحطب ودنا الدلال المباهير
وصوت بصوتن يسمعه من يجيله
وسلطان وجه صوب وضحن مغاتير
والحاشي الي قدم عينه يشيله
و غير طريقه غير الدرب والسير
وحوش الغنم شال الجزال المحيله
وبموقع الفرحه قبل حزة عصير
سيل مسيل الدم وسط المسيله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين