حراس

لـ نصار الزارعي، ، في الملاحم، 32

حراس - نصار الزارعي

ابدى بذكر الله وحافظ عبيده
الواحد القهار يامقوي الباس

امسيت في دربي وفكري شريده
اجمّع الافكار واكتب بقرطاس

قرطاس شعري كلّ شيٍ يعيده
يكتب قوافي بينها خطّ واقواس

عجْز القوافي سين والصّدر سيده
نقصد بتالي الليل مانعرف الياس

من شاعرٍ بالقاف يعرف يجيده
يبحر على كلّ المراكب وغطاس

يازين من خاوا رفيقٍ وليده
والجوّ رايق والهوا فيه نسناس

في راس طعسٍ والمواتر جديده
والنار ودلالٍ بها يطرب الراس

هذي اماني نكتب الي نريده
ولا الحقيقه بالميادين حراس

نحرس بلاد الدين واهل العقيده
ونرفع شعار الحق ونسمّع الناس

© 2024 - موقع الشعر