نفعتك وكبرت ياللاش هامتك

لـ ، ، في الهجاء، آخر تحديث :

البس عباة اختك وعطها عمامتك
لا صرت ما تقدر دروب الرجالي
سود الليالي بينتلي رخامتك
الله يبيض وجه سود الليالي
نفعتك وكبرت ياللاش هامتك
عقب الوطا حطيتك براس عالي
وعيت تبين فالمواقف شهامتك
ياللي عليك اللوم فأول وتالي
بنت الرجال اختك تذمّك ولامتك
وعقب الذي سويت ياهمّلالي
لخاطر ربوعك حفظنا كرامتك
ولا ترى شرواك تحت النعالي
قامت علينا يالضعيف قيامتك
حاسد رجالن صيتهم بالعلالي
حنا ذراك ان كان الايام ضامتك
وحنا عمامك طرق يابن الحلالي
ليتك توحى لقول عيال جماعتك
وتترك هروج قصيّرين الحبالي
ناسن بزود المال ياللاش سامتك
واستاجرو منك اللسان الملالي
وأخذت تنغى مثل منغى حرامتك
وتحاول تداحم جبالن ثقالي
عندي لك علاجن يعالج غشامتك
من كف ممدوح يفك التوالي
الاوله راحت وقلنا سلامتك
اكفاك ابو محمد عريب الخوالي
واليوم حاذر قبل تعلن ندامتك
ما دامها جتني وجالي مجالي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين