غرك كلام الناس عاذل وشمات

لـ ، ، في العتب والفراق، آخر تحديث :

ياصاحبي غيبتك صارت سهالات
تروح ترجع عندي الوضع عادي
من أول أشفق لك ليا غبت لحظات
وطيفك معي حتى وأنا في رقادي
واليوم لو بيني وبينك مسافات
ماهمني بعدك ولا أقصر بعادي
ركز معي: فكر: وصف الحسابات
شف منهو اللي بالجفا كان بادي ؟
لو كان حبي لك مزوح وتفاهات
ماكنت ألبّي لك قبل لاتنادي
ولو كنت تفهم بالقصايد والأبيات
ماكان تنكرني وتنكر ودادي
حبك بقلبي كان نابع من الذات
يوم أنت لي رغبه وغاية مرادي
واليوم حبك ماله أي اهتمامات
أبحرقه ويصير قدمك رمادي
غرك كلام الناس عاذل وشمات
واليوم منها يالغلا صرت غادي
محذرك من قبل نبدا البدايات
أنا عنيد ولا تحاول عنادي
وقد قلت لك مره ومره ومرات
اثقل وخلك لا تضايقت هادي
واليوم في عينك من البعد دمعات
وأنا عيوني تهتنتي بالرقادي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين