ياما و ياما فالعرب شفت ياما
لكن مثلك فالعرب مالقيته
أي المروج من النفل والخزاما
وأي الجمال اللي بساره وصيته
وآحنتي حنت حيام ٍعلى ما
كني مدور لازم ٍماقضيته
سقيم وادور علاج السقاما
يوم ابتلاني نامي ٍمابتليته
وش عاد حتى لونخيت النشاما
غريمي الموت الحمر دون بيته
قوم ٍتعزواء بالجدور القداما
وانا لهم درب المتاهه سريته
وانا وهم لو بالسهوم انتاراما
لجلك اورد القلب يالي خذيته
ياسيد الخفرات شرق ٍ وشاما
ماعنك قلبي ينتهي لو نهيته
حبك رمابي في بحور ٍ تطاما
ماكتب عشق إلا من اجلك قريته
لو من غرامك بالسيوف أتاحاما
ماخصني عن لوعتك ماحميته
عليك دمعي من عيوني تهاما
ومجدب من اسبابك بدمعي سقيته
طبع الهواء مابين فرقا ولاما
اوكان اومسرات اولونه اوليته
ياما عشاشيق ٍ سواة اليتاما
معذور ياحي المحبه اوميته
اما على الدنيا بدونك سلاما
ولابك الدنيا مناي احتويته
والعيد عاد وبعض اهل عيد عاما
بعد السفرماعاد جاني وجيته
واليا اتفقنا للوصال انتساما
ترا الوصال المطلب اللي بغيته
اوترا الفرص للانتهازي غراما
اللي لو انك تعرفه مانسيته
القلب وايت هاوس وانت اوباما
اما رفضت الراي ولارضيته

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين