انا جيتك من اضروفن حدتني والحقتني اقصاي
عسالي مثل شرواكم كريمن مدته جزله
يطيب الكيف لاجا الكيف بن وهيل عقب ادواي
رجعت المن هجوسه عن هجوسي جات في خزله
وفي خزله ولا ترضى وترضي ناس لجل ارضاي
لان الوقت فتل اقيود وقيود الهواء غزله
انا طرقي وساري واعتقد محدن سرى مسراي
مع ذيك الفجوج اللي عساها ما تجي هزله
ولو كانت خذيت الراي من راسي ورايي راي
انا من يقطع الفرجه وشده عقبها نزله
على شان الرفيق اللي يباريني على يمناي
اليا ضاقت وحملي مال وقف له وعنزله
عسا يفداه ناسن جندهم رايح وهذا جاي
خفافيش الظلام اللي ولدها ما تعززله
فدن لك يالجنيه اللي تراكيني على مركاي
اشوش السمعتك واطرب فخر وابليس اجهزله
اجهزله الينه يمتثل يمشي على ممشاي
بحد امشوكن يظرب علابي الراس ويعزله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين