بشر العيد فيك

لا فقدتم  حضوري  .. اتركوني ليال
ألتهي في غيابي .. لين جوي  يزين
 
للسوالف خفايا ...  سرها  مايقال
والبلا الصمت عنوان الشعور الحزين
 
ناشَد البوح طيفك ..  ياحبيبي تعال
في شفاتي كلام وفي خفوقي حنين
 
بشِّر العيد فيك وسوق شوفك دِلال
صب مزنك حضورٍ  يروي الصابرين
 
يلبس الليل ثوبه  يا نهار النضال
 يتوسد طموحه بعد يوم الانين
 
الأماني سحابه  فوق  شم الجبال
والهدف بالتفاؤل بين قبضة يدين
 
العمر ذا   منيحه  والأماني حلال
والصبر زاد خوة فالطريق المشين
 
والهموم الدفينه دومها يستحال
والمطر لو تأخر عوض المشفقين
 
والفرج  لو يقولوا  عنه صعب المنال
خل نفسك تشوفه شوف عين اليقين
 
وان فقدتم  حضوري اتركوني ليال
عل ربي  يهونها ..... وجوي يزين