احييتني يوم غيرك معه ميت

لـ ، ، في المدح والافتخار، آخر تحديث :

لاعاد تنشدني وراك امس ماجيت
حكمك على الغايب بعد ماتشوفه
صحيح ماقد يوم عنك تخليت
صاحبك من غيرك يقدر ضروفه
البارحه ممسيت يوم انك امسيت
ساري ورجلي بالمسير امخطوفه
مع هاجس ٍيستاقني سوق وقفيت
عيت حروفي لاتوالف احروفه
عن ضجت العالم خذاني وصديت
ولابد من مثلي إيطاوع اضيوفه
لوالمعاني تخلف الشك شكيت
لاشك ماسمع قولت اللي يشوفه
انا من اجروح الليالي تشافيت
ولاني على الفايت كثير الحسوفه
احييتني يوم ٍغيرك معه ميت
يوم ٍبعض الناس كبرت اكتوفه
العز مطلوبي وانا له تعليت
الطيب مكسب والردى له اضعوفه
انا اقتدي بك نجم لاغبت واضويت
ومن له علي معروف منسا امعروفه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين