فصل البس ياهجوسن حي والمعنى خطير
صافرات انذار يا مفتح عمى والشمس حيه
بين الحبل الطويل اضعف من الحبل القصير
والجمل مربوط له بقياد والمدفون خيه
والحكيم اللي لعبها صح مايبغى شوير
رابط المجنون والصاحي حضر ويا خويه
والجبل راسي وشامخ فيه شر وفيه خير
للهبوب اللي تبعها اعصار والمجلاس فيه
وانت ماضني تتوب ولا يزعزعك النذير
كنك اجهر ماتشوف الدرب والنيه مطيه
والعلوم اعلوم واخطركنها السيف الشطير
مافهمها غير ليثن لاحضر يفرح مجيه
مانبي لحدن نصيحه هو يصير او مايصير
ساس بيت الفكر ثابت لا واطنابه قويه
وانا من يفتح ويقفل لاطلبة خط المسير
نبذر اونقطف ونجمع والنحل وسط الخليه
صور اكتب يالدفاع ومن له اجنيح يطير
مانت مفتاح العقول ولاانت قاضي للقضيه
ومن جهلها ما جهلها واحدن عقله كبير
لاستوت عنده صقلها وان عطاء جزل العطيه
لو يشيب الشيب ماشابت وانا توي صغير
نحتمي طرافها للضيف واتقدم هديه
وانا لو ضاق الفضاء والكون ماضاق النظير
للرفيق وللصديق اللي وضع بالكف كيه
مايجي في منزلتهم لاكفيف ولا فقير
الفقير ايساق له فطره ولا يقفا بسيه
وحدث العاقل بما يعقل ولا تجبر كسير
الوكيل الله وحنا كل راعن له رعيه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين