جور الظما

الله  على هجران مع زمة الراس
أحلى مِن وصال ٍ  تشوبه مذله

إن ما شربت الود من صافي الكاس
ريقي من كفوف التغطرس ما ابله

يا لي مضى وانت وليفي من الناس
أصون  ودك  في عيوني  واجله

كنك جواهر  در فعيون حراس
اخشى أيادي بالردى يوصلن له

وسط العيون تنام والجفن حباس
وليا علت شمسك رموشي مظله

متربع بقلبي على عرش الاحساس
وشلون قلبك طاوعك  تستغله

خذك التغلي مايوازيك أجناس
جنح بك النكران واشفيت غله

تبطش بودي كم وتضيق أنفاس
واللي ذراعك توصله  تستحله

كم قلت لك ورد المواصيل يباس
وجور  الظما  يقتل أزاهير فله

يالتني بادلت  ودك بمقياس
مصيبتي أحب بالقلب  كله