لا يا بدر مالي عن الضيق مجناب

لـ ، ، في الحكمه والنصح، آخر تحديث :

لا يا بدر مالي عن الضيق مجناب
من وين ما اوجه يحضر سموّه
لا جيت ابجلس في مجاليس الاصحاب
في وسط صدري يابدر شب ضوّه
واكظم على غيضه والاعيان للباب
قدام لاتشره عليّ الاخوّه
ما ودي افتحلي مجالن للاذناب
اللي ليا سمعت كلامن تشوّه
شرذمتن قامت تفتل بالاشناب
في كل مجلس للنقايد تنوّه
لين اطرحوها بين حاقد ونصاب
سود الوجيه قليلين المروّه
ودرب الدعث في طامن الهرج نشاب
ولا يسلكه كود الغشيم المتوّه
ويالو تناقل بين فاجر وكذاب
مانزلت مقصودها من علوّه
لبست من جزل التماثيل الاثواب
اموت واحيا مالبست المموّه
واموت مابينت ضيقي للقراب
واقرب قريبن بالهموم يتفوّه
اشيل حمله فوق حملي ولاهاب
بيني وبين الهم عشره وخوّه
ويالايمي تراك مخطي ونصاب
الوقت قاسي لايغرك هدوّه
أخذت من ضيمه واخذنا بالاسباب
من ماضي الايام ماهو بتوّه
شيبت في تالي سنيني وانا شاب
وحفظت درسه بالليالي بقوّه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين