اشهد ان العذر يقبل ولا بعض الوعود
دامها ليلٍ مظلم يتوه اللي سراه
يقطع الله فزعةٍ ما توردك العدود
فزعة اللي لا فزع ما يجيب اللي وراه
لا نصيته بالمواقيف ما يشفي الكبود
والله ان تطول دعواك وانته في رجاه
واحدٍ ما فيه نخوه ترى ما فيه فود
لو تسوقه للنواميس غصبٍ واتحداه
لا نخيته وانت من جاير الوقت محدود
ما يفرج عن همومك ولا يذري ذراه
لا نصيت انص الدهايا عريبين الجدود
كل منهم لا نخي به يجمل من نخاه
يشتقي في اللي تبي ما يصد ولا يحود
يعتبر لازمك فرضٍ مثل فرض الصلاه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين