حمود الحماد .. ياسندنا سلة السيف المهند والنصابي

لـ ، ، في المدح والافتخار، آخر تحديث :

المنسابة: الشيخ حمود الحماد ابو حمود له مواقف نبيله وباللوازيم ننتخي ونحتزم فيه لانه اهل للنخوه والفزعه وما خاب من نصاه

يا إلاهي لا إله إلا أنت تعلم بي ومابي
والي امر الملك وانت اللي على العرش متعلي
يا إله الكون مجري الفلك يامنشي السحابي
اسالك بسماك وحقوق المسبح والمصلي
انت تعلم مادهى سالك واسالك الجوابي
يامحيط بكل مايفتل وهو بامرك يحلي
يا اله مابعد عني على منصى كتابي
يوم انصيه الرفيع المستدير المستقلي
فيه زبن وفيه زاد وفيه لضامي شرابي
انتذرا في ذراه وفيه كن وفيه ظلي
ياحمود انخاك بسمك يوم ضاقتبي ثيابي
يالتميمي يا ملاذ الجار فكاك المتلي
سقتها لك سوق متنساق لدقاق العلابي
جات يوم ان المصيبه جات حتى جيت كلي
ياسندنا سلة السيف المهند والنصابي
عزوتي بك ماتجي لا من فراغ ولا تسلي
لازمي لازم ودونه تقفوا تليت زهابي
ياحمود يبسن الارياق من ما جرى وحصلي
البلا لاح في عارضي شيبي ونا بشبابي
والحظ كل ما نهض رجع بين الهزيله والمولي
همن امتحني ولالي غيرك في رحلة عذابي
والليالي السود لا زالت تتل القلب تلي
اتضح لي كل من يدري وكنه مادرابي
طبع خلان الرخا لا مالت الدنيا تقلي
وانت خير الحاضرين وحضرت الربع الغيابي
غيثنا اللي يرتوي منك السحاب المستهلي
فيك وجه وفيك جاه اليا هبا مليون هابي
والحلال بهيبتك في راس مفلاها تفلي
والعرب لو مايجي بالوقت وقفه وانقلابي
غالطك لو في محلك واحدن ماله محلي
ياذرى من شال حملن ماتقوم به الركابي
انت ابالعادات ياشيخ وانت شيخن ظلاله يظلي
درعنا لا شوشت بالروس تلعات الرقابي
اعتقد لولاك يمدينا من الدنيا نملي
كم كبير وكم صغير انتخابك مارد خابي
وان تعزوابك وغيرك يابو حماد منهو اللي
ساعة الشده غدو بعض العرب مثل السرابي
مالنا غيرك انت عن واجبك منته بمتخلي
ادري انك عارفن وعراف وتعرف الصوابي
كلنا لا صعبت الحجه برايك نستدلي
وخير خلق الله شفيع الخلق في يوم الحسابي
من تقدابه شفع رغم المعلي واندلي
وش تحرى ياطويل الباع ذاب الصبر ذابي
جيتي يمك مابي غيرك يقوم بواجبن لي
والسلام ختام وانت ادرى ماجا بخطابي
والوكيل الله ولا غيره على العرش متعلي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين